(1) satu (1)
Jang brani ngana baserong deng tuhan laeng neeeh!
Tetek Manis nda suka ngana bagitu.
(2) dua (2)
Jangan ngana beking patong, apalagi ngana pi sembah tu patong ato tuha laeng!
kalo kwa nintau beking, jang bapaksa toleeh.
(3) tiga (3)
Jang asal-asal ngana cumu Tuhan pe Nama sambarang!
Ta biasa ngoni pe mulu, caparuni tu bibir. Sambarang cumu-cumu Tetek Manis pe Nama.
(4) ampa (4)
Ngoni samua musti inga deng se kudus tu hari sabat!
Kong ja maso greja kasana.
Cuma 1 kali 1 minggu ley, pe stengah mati ngoni mo iko akang
(5) lima (5)
Dengar-dengaran pa angko pe mama deng papa!
Jang pas Tuhan so pangge, baru ngoni mo manangis akang.
Inga kasana, kalo dorang 2 nda kaweng nda mo ada kasiang ngana.
(biar ley ngana anak angkat, tetap ngana musti hormat pa dorang noch)
(6) anam (6)
Jang ngana bunuh orang!
Ngana kira nda stengah mati da se lahir kong se basar tu orang.
Kalo dia so 17 taon, noh ngana rekeng jo so brapa karong dia da makang, kong ngoni pi bunuh pa dia.
Berarti ngana leh nimbole bunuh diri noh, ngana leh kan orang.
(7) tujuh (7)
Nimbole berzinah!
Jang ngana bagila deng laki-laki ato parampuang selain ngana pe laki deng bini!
Kalo nintau cari dikamus depe arti.
(8) lapang (8)
Jang bapancuri!
Mancari kwa supaya ada doi.
(9) sambilang (9)
Nimbole babadusta!
Torang samua kwa pe gampang ja badusta, so itu bertobat jo tare.
(10) spuluh (10)
Jang ba iri hati kong suka-suka tuh orang laeng punya!
Jangan tabiasa kwa malele gidi-gidi mo lia tuh orang punya.
Kalo mo suka depe lengkap baca joo keluaran 20.
Tidak ada komentar:
Posting Komentar